Колледжде студенттердің ғылыми қоғамының ұйымдастыруымен Әлихан Шөжебайұлы Мусиннің 116 жылдығына арналған студенттердің ғылыми-практикалық конференциясы өтті. «Біртұтас тәрбие бағдарламасы» жүзеге асыру аясында колледж студенттерінің қоғамдық, шығармашылық және кәсіби белсенділігін қалыптастыру, студенттік ғылыми ойды қолдау және дамыту, студенттердің ғылыми-зерттеушілік қабілеттерін арттыру.
Шараның негізгі мақсаты – студенттерге Ә. Ш. Мусиннің өмірі мен еңбектерін терең таныстыру, оның ағартушылық қызметін насихаттау және жастардың ғылыми-зерттеушілік қабілеттерін дамыту болды. Конференция бағыттарына қарай қатысушы студенттер өз мамандықтары бойынша, ғылымдағы жаңа жетістіктер, Әлихан Мусиннің ағартушылық мұрасын зерттеуге арналған түрлі бағыттарды қамтыды. Конференция аясында студенттердің ғылыми қоғамның жетекшісі Э.И.Калкенова жетекшілік атқарды. Әділқазылар алқасы студенттердің ғылыми-зерттеушілік жұмысын, шығармашылық көзқарасын және олардың жобаларын қорғау шеберлігін жоғары бағалады. Бұл конференция колледж жастарына тарихи тұлғалардың өмірі мен еңбектерінен үлгі алып, ғылым мен білім жолында ізденуге ынталандырған маңызды шара болды.
Комментарии