2025 жылдың 18 наурызында Ә.Мусин атындағы Балқаш гуманитарлы-техникалық колледжінде «Педагогтердің кәсіби дамуы» бағыты бойынша «Кәсіптік қалыптасудың негізі – жалпыадамзаттық құндылықтар» тақырыбында облыстық онлайн семинар өтті. Іс-шара ZOOM платформасында ұйымдастырылды.
Семинардың мақсаты – үздік педагогикалық тәжірибелерді тарату, техникалық және кәсіптік, орта білімнен кейінгі білім беру жүйесіндегі жас педагогтердің кәсіби және педагогикалық шеберлігін арттыру, сондай-ақ білім беру ұйымдарының әлеуметтік серіктестерімен өзара іс-тәжірибе алмасуын қамтамасыз ету.
Семинардың маңыздылығы. Педагогтердің кәсіби шеберлігін дамытуға бағытталған тәжірибе алмасу алаңы құрылып, инклюзивті оқытудағы өзекті мәселелер мен оларды шешу жолдары талқыланды. Білім беру ұйымдары мен әлеуметтік серіктестер арасындағы өзара іс-қимылды күшейту жолдары қарастырылды. Сондай-ақ «Біртұтас тәрбие» бағдарламасын іске асыруда жаңашыл әдістер ұсынылды.
Семинарға қалалық және облыстық деңгейдегі 34 педагог, оның ішінде балабақша, мектеп және колледж мамандары қатысты. Қатысушылар өзара тәжірибе алмасып, құнды ақпараттармен бөлісті.
Колледжіміз осындай маңызды іс-шараларды өткізу арқылы білім беру сапасын арттыруға, жас педагогтердің кәсіби шеберлігін жетілдіруге және әлеуметтік серіктестік аясын кеңейтуге үлес қосуды жалғастырады.
Колледж әдіскері: Хали А.К
Комментарии