Әлихан Мусин атындағы Балқаш гуманитарлы- техникалық колледжі 2023-2024 жылға арналған тәрбие жұмысы жоспары бойынша 10-қаңтар- Қазақ әдебиеті және Азаматтық лирика күніне орай және осы күнмен тұспа-тұс келген Қазақтың дарынды жазушысы Ілияс Есенберлиннің туған күніне арнап колледж кітапханашылары «Жарқын өткен өмір» атты Ілияс Есенберлинге арналған тәрбиелік іс-шара өткізді. Атаулы күннің негізгі мақсаты: жастарға Қазақ әдебиеті мен поэзиясының елдікке шақыратын, тұтастықты арқау еткен шығармаларын насихаттау.Іс- шара барысында жазушының өмірбаяны, еңбек жолына тоқталып, шығармаларына кең ауқымда көңіл бөлінді. Оның ішінде қазақтың тарихын түп тамырымен баяндайтын «Көшпенділер» трилогиясына үлкен мән берілді. Трилогияның әр бөлімімен жеке таныстырылым өткізіліп, бас кейіпкерлеріне шолу жасалды. Кері байланыс ретінде Ілияс Есенберлиннің шығармаларына қатысты сұрақтар қойылып, өлеңдерінен үзінділер оқылды.
Комментарии