2025 жылдың 20 наурызында колледжіміздің дене шынықтыру пәні оқытушысы, жас маман ретінде Канатов Ансаган Темирбекулы АВТ-24-9 тобына «Ұлттық ойындар» тақырыбында ашық сабақ өткізді. Сабақ барысында студенттер қазақ халқының ұлттық ойындары арқан тарту және асық ату ойынын ойнап, дене шынықтыру дағдыларын дамытты. Бұл сабақ оқытушының жас маман ретінде өткізген алғашқы тәжірибесі болғандықтан, оның ұйымдастырылуы мен өткізілуі ерекше мәнге ие болды.
Сабақтың басты мақсаты – студенттерге ұлттық ойындардың маңызын түсіндіру, олардың дене шынықтыру мен топтық ынтымақтастыққа әсерін көрсету. Сабақ барысында арқан тарту мен асық ату сияқты ойындар арқылы студенттер арасында ынтымақтастық, физикалық белсенділік және командалық рухты дамыту көзделді.
Сабақ барысында студенттер ұлттық ойындар арқылы келесі құндылықтарды игерді:
- Ынтымақтастық: Арқан тарту ойынында топтық жұмыс маңызды рөл атқарды. Студенттер өзара ынтымақтаса жұмыс істей отырып, командалық рух пен бірліктің маңыздылығын түсінді.
- Шыдамдылық және еңбекқорлық: Әсіресе арқан тарту кезінде, студенттер өз күштерін жұмсап, жеңіске жету үшін шыдамдылық танытты. Бұл құндылық сабақ барысында айқын көрінді.
- Дәлдік пен ептілік: Асық ату ойыны дәлдікті және ептілікті талап етті. Студенттер зейін мен концентрация арқылы ойынды дұрыс орындап, дәл мақсатқа жетуге тырысты.
Оқытушының сабақты ұйымдастыруы мен жүргізуі студенттердің толық назарын аудара алды. Сабақ барысында оқытушының кәсіби шеберлігі мен сабырлылығы көрініс тапты. Ол әрбір ойынның ережелерін түсіндіріп, дұрыс орындау жолдарын көрсетті, сондай-ақ студенттерге түзету жасағанда сабырлы әрі ынтымақтастықта жұмыс істеді.
Сабақ барысында студенттер өте белсенді болды. Сабақтың практикалық сипаты олардың қызығушылығын арттырып, дене шынықтыруға деген көзқарастарын өзгертуге ықпал етті.
Колледж әдіскері: Хали А.К
Комментарии